Nersussuup neqaa Japanimeersoq nioqqutigisalerniarpaa

Danmark-imi neqinik tuniniaavik Danish Crown Friland, nersussuarnik Japan-imeersunik kinguaassiortitsilerpoq. Nersussuup Wagyu-imik taaguuteqartup neqaa nunarsuarmi akisunerpaavoq.
Allattoq Louise M. Kleemann
juunip 10-at 2008 07:44

Nersussuaq Japan-imit tikisitaq sapaatiummat ataasinngormallu Jylland-ip qeqqani naasorissaasoqarfimmi pingasunik piaqqivoq, allallu tallimat qaammatip naanerani nersussuaaqqanik piaqqinissaat utaqqineqarluni.

Nersussuup neqaa Wayu-imit pisoq aqitsunnguuvoq neqinullu allannut naleqqiullugu neqqarinnerulluni.

Nersussuit taakkua tagiartorneqartarput taassa massage-arneqartarput ummilinillu nerisinneqartarlutik neqqarinnerussammata.

Nersussuit maannakkut Jylland-imi kinguaassiortinneqartut ummilinik immiaaqqanillu immiornermi atorneqartartunik Viborg Bryghus-imit pisunit nerlersorneqartarput,.

Jylland-imi naasarissaasup Søren Vester-ip nersussuarnik akisuunik neqinilinnik nersussuaatilik, nersussuit massage-artarniarnagit ritzau-imut oqaluttuarpoq, pattalaaginnartarniarlugillu.

Nersussuup neqaa Kobe-meersoq neriniartarfinni kiilumut 2500 koruuninik akeqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq