Inatsisartut siulittaasoqarfia suleqatigiissitamik pilersitsivoq, nersornaatip tunniunneqartarnera ullutsinnut naleqqunnerusumik aallaaveqarnissaa misissussallugu.
Kalaallit Nunaanni nersornaatinik tunniussisarnernut allanut Nersornaat sanilliunneqartussaavoq.
Nersornaatip tunniunneqartarneranut maleruagassat aalajangersakkallu atuuttut misissorneqassapput allannguutissanillu siunnersuusiortoqassalluni. Kikkut sunalu aallaavigalugu Nersornaammik tunniussisoqartassanersoq suleqatigiissitap misissortussaavaa.