Nerrivimmi arsaararnermi kalaallit aallartilluarput

Kalaallit inersimasut nerrivimmi arsaararlutik nunanut allanut unammisartui aallartilluartut unammisaminnullu sukataarnerluarnerat sungiusaasut marluk iluarisimarpaat.

- Inuusuttuaqqat ingerlalluarput, ukua pikkorissorsuugaluartut holdit 1-it massakkut 3-1mik ajorsarfigivaat, kisianni ingerlaqqilerput puljit tamamrmik naammassisussaagamikkit, takussavarput qnaoq ingerlassanersoq, kisianni takusinnaavarput kalaallit uki8iuni kingullerni pikorissiartortut sukkasuumik inuusuttuaqqallu pikkorissiartornerat malunnarpoq,

Nerrivimmi arsaarartartut inuusuttuaqqat sungiusaasuat, Niels Nielsen taama oqaluttuarpoq.

Inersimasut nerrivimmi arsaarartarnermi nunanut allanut unammisartut sungiusaasuta unammisartuni alllartilluartut tulluusimaarutigai. 

- Pikkorippaseqaat piareersimarpasillutillu. Poorskimili GM-ertoqarmat sungiusaleramik tassanilu nunanut allanut unammisartut toqqarpagut. Taamaammat nunanut allanut unammisartut holdillu allat pikkorippaseqaat. Holdiutitta ilaasa Savalimmiut ajugaaffigigamikkit tupaallatsitserujupput, inersimasut nerrivimmi arsaarartartut nunat allanut unammisartut sungiusaasuat, Tommy Jørgensen oqarpoq. 

Inuusuttuaqqanut neriuuteqanngilaq

Inuusuttuaqqalli misilittagakinnerusut unamminertik unamminarnerutikkaat inuusuttuaaqanut sunngiusaasoq, Niels Nielsen oqarpoq, ukiulli ingerlanerini pikkorissiartortut takusinnaasimallugit, inuusuttuaqqammi inersimasunut unammisalernikuupput.

- Ulluni makkunani neriuuteqanngilagut, kisianni unammeriaatsit sakkortuut ilinniutigalugit ukiup tulliani Arctic Winter gamesimut sungiusarnerit aallartippagut, inuusuttuaqqani neerivimmi arsaarartartut sungiusaasuat, Niels Nielsen oqarpoq.

Kalaallit Islandimut Savalimmiunullu nerrivimmi arsaararlutik unammersuarnerat ullumimiit sapaatip tungaanut ingerlanneqassapput.