Neriuffik qitiusumik allaffeqarfeqalerpoq
Peqatigiiffik ”Neriuffik” pilersinneqarnerminit ukioq manna qulinngortorsiorpoq. Maannamut qitiusumik allaffeqarfeqanngikkaluarluni, tamanna allanngortillugu peqatigiiffik Nuummi ullumi allaffeqarfeqalerpoq. Neriuffiit siulittaasuat Johanne Olsen oqarpoq, tamanna sullissinermut iluaqutaassasoq.
Allattoq Mads Lynge
- Nutaamik allaffittaarnitsigut pitsaanerusumik sullissisinnaanissamik periarfissinneqarnerput nuannaarutigeqaarput, immikkoortortaqarfiit pitsaanerusumik sullissinnaalissagatsigit, napparsimasullu aamma pitsaanerusumik sullissinnalerpagut, Johanne Olsen oqarpoq, nangipporlu:
- Ulluinnarni ornigulluni saaffiginniffissatut periarfissiisoqarpoq. Tuppallernarpoq annertusisamik sullissisoqarsinnaalermat, Neriuffimmi siulittaasoq Johanne Olsen oqarpoq. Peqatigiiffik 16-inik immikkoortortaqarpoq.