Nerisassiornermik ilitsersuutitaaq
“Uumasut qaleruallit tungusunnialaartunik nerpeqarput. Aalisagaq tasisuangajattumik nerpeqarpoq, tuttorlu ujaqqap qalipaatut paarnatullu mamassuseqarpoq”.
Nunatsinni nerisassiullammattut marloriarluni qinerneqarnikuusoq, Jeppe Ejvind Nielsen, nerisassat Nunatsinni pineqarsinnaasut atorlugit nerisassiornissamut ilitsersuusiamini ullumi saqqummersussami taama mamarsaarpalutsigaluni ilaatigut allappoq. Jeppe Ejvind Nielsen Nunatsinni “ukiup igasua”-tut ukiut kingulliit marluk toqqarneqartareersoq, ukiut kingulliit pingasut angakkuartartutullusooq nerisassiortareerpoq, siullermik Restaurant Gertrud Raskimi maannalu neriniartarfimmi Nipisami.
Nerisassiorumatuut maanna nerisassiullammak ilaarniarsinnaalerpaat, ilitsersuummi hunnorujungajannik quppernilimmi, kusanartunik assitalersukkami, 32-nillu assigiinngitsunik illiguummernartunik nerisassiorusutut, Kalaallit Nunanni pisassat atorlugit nerisassiorsinnaanngorput.
Nerisassiornermut ilitsersuut nerisassiornerinnarmik imaqanngilaq. Pinngortitaleriffimmimi biologip, Carsten Egevangip, Nunatsinni uumasut assigiinngitsut issittumi qanoq uumaniartarnerat atuakkami allaaserai.
Atuagaq ualeru saqqummersinneqassaaq, tamannalu soorunami Nuummi kalaaliaqqami, nerisassiarineqarsinnaasut akornanni pissaaq.
