Nerisassat nioqqutissat Danmarkimeersut kinguaattoortut
Assartuut nunatsinneersoq, Tukuma, nerisassanik nioqqutissanik, ilaatigut naatitanik nassartoq, kinguaattoortoq Sermitsiaq.ag allappoq.
Assartuutip ullumikkut tikittussaagaluartup Danmark suli qimassimanngilaa.
Kinguaattoorneranut teknikkikkut ajornartoortoqarnera peqqutaavoq, tamannalu allanik kinguaattoortoqarneranik aamma isumaqarpoq, pissutigalugu assartuutit minnerusut Nuummiit nunatta sinneranukartussat aamma kinguaattuussammata. Royal Arctic Line nittartakkamini taama allappoq.
Kalaallit Nunaanni Brugsenimi nioqquteqarnermi pisortaq, Jes Nyborg, Sermitsiaq.ag-imut ilisimatitsivoq kinguaattoornerup kingunissai niuertarfinni takuneqarsinnaajumaartut.
- RAL-ip assartuutaata sivikinnerpaamik sapaatip akunneranik kinguaattoormat Brugseni annertuumik eqqorneqartussaavoq. Niuertarfiit Nanortalimmiit Ilulissat tungaannut tamarmik malugissavaat, Jes Nyborg oqarpoq.
Assartukkat kinguaattoornerat Pisiffimmi eqqissisimanerusumik tiguneqarpoq. Taamaakkaluartoq nioqqutit assigiinngitsut piffissap sivikitsup iluani ajoquteqartussaanngitsut akii appapiloorlutilluunniit tamakkerlutik nungussinnaapput. Taamaammat pisoq qanimut malinnaavigalugu, nioqquteqarnermi pisortaq Tina Hansenoqarpoq.
