Nerisassat akii qaffariapiloorput
Nunat assigiinngitsut akornanni naligiinnginnerup annertusiartuinnarnera ilutigalugu inuit miliuunerpassuit piitsunngussasut, Verdensbankip aarlerisaarutigaa.
Maannakkut Kangiani qiterlermi pikitsitsinerit ilaatigut tamanna aallartissutigaat, Verdensbankimit aamma oqaatigineqarpoq.
Taamaammat Verdensbankip kissaatigaa, nerisassat akiisa qaffakkiartornerujussuat nunallu ilaasa aningaasaasa nalikilliartorpallaarnerat unikaallatsinniarlugit, nunat siuarsimanerpaat 20-t aningaasaqarnermut ministerii qitiusumillu aningaaseriviisa pisortaat iliuuseqartariaqartut.
Nunat G-20-mi ilaasortat ataatsimiinnerat aallartinngitsorluunniit nunat isumaqatigiinngitsupilussuusut, japanimiut aningaasaqarnermut ministeriata Yoshihido Nodap, tusagassiuuteqarfimmut Reutersimut oqaatigaa.
Nunat isumaqatigiinngitsut tassapput aningaasaqarniarnermikkut sinneqartoorutillit, soorlu Kina Tysklandilu taavalu USA europallu kujataamiut aningaasaqarniarnermikkut amigartoorutillit.
