Nerisassaat affaannanngortippaat

Afrikami naalagaaffiup, Sudan-ip, kippasissuani Darfurimi sorsunnermi qimaasitat nerisassaat affaannanngortinneqarsimapput. Imertugassaat nakorsanillu ikiorserneqartarnerat aamma annikillisinniarneqarput.

-Sudanimi sorsuffinnit qimaasut nerinialullutik agguagarsiassaminnik inuuginnarnissaminnut amigarluinnartunik tunisinnissaminnik utaqqisut isigalugit iliuusissaasuanaqisoq, nakorsaq danskiusoq oqaluttuarpoq.

-Takorlooruminaapporluunniit qimaasut kaattut ullormut nerisartagaasa inuussutissakittarneri. Assersuutigisinnaavarput inuup sanigorsartup ullormut nerisartagaasa affaanik inuussutissartallit qimaasut nerisassarilermatigik, nakorsaq Vibeke Brix Christensen oqaluttuarpoq.

Qimaasut kaannerisa saniasigut timaasa nappaatinut qimarnguffimmi atugaasunut akiuussutissaqarnerat annikereeqisoq suli annikillisinneqarpoq.

-Eqqaamassavavullu meerarpassuit, arnallu naartusut qimarnguvimmiimmata, taakkuuppullu naartunerminni naammattunik ullut tamaasa nerisaqartariaqaraluartut.

Naalagaaffit Peqatigiit kaattunut nerisassanik isumaginnittartui aningaasannakkaluartut, naatsorsuutigineqarsinnaavoq avinngarusimasuni, tikikkuminaatsunilu najugallit ukiup affaa aatsaat qaangiuppat ikiorserneqarsinnaanissaat.