Neriartoraluarlutik aniinnartut

ICC-p ataatsimeersuarneranut atatillugu kulturikkut aaqqissuussineq nerinertalik, Nuummi Illorsuaq Timersortarfimrmi ippassaq ingerlanneqarmat, naatsorsuutigisamit inuit amerlanerit takkupput.
Allattoq Jaaku Lyberth
juunip 30-at 2010 11:10

Inuit 400-t nerisassaannik piareersaasoqarpoq, 2000-illu takkullutik. Neriartortut ilaat akunneq ataaseq sinnerlugu utaqipput ilaat, aniinnarput bilititsillu utertillugit.

- Nerinngitsoortut bilitsiminnillu utertitsisut aaqqissuisunit utoqqatserfigineqarput, ICC-p ataatsimeersuarnerani ataqatigiissaarisoq Frederik Lynge oqarpoq.

Neriartoraluarlutik aniinnartut amerlasoorsuunngillat, ilaasa bilitsitik utertippaat, ilaasa ississutitik utertinngilaat, taakkualu aaqqissuisunit utoqqatserfigineqartut, Frederik Lynge oqarpoq.

Inuit amerlarsoorpassuit naatsorsuutigisamit timersortarfimmut takkupput. ilaat akunneq ataaseq sinnerlugu utaqqipput.

- Aaqqissuussinerlussimagatta utoqqatserpugut, Frederik Lynge ICC-p ataatsimeersuarnerani ataqatigiissaarisoq oqarpoq.

Nuup ilaani Noorliit avataani tallimanngorpat puisimik pisaqaqqaarniuttoqassaaq, kingornalu puisip neqaanik sassaalliisoqassalluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq