Neqit pisoqarsuit qerititsivimmiorigaat
Danmarkimi Inuussutissanik Nakkutilliisoqarfiup Københavnip kommuniani Rødovremi inuussutissanik misissuitilluni suliffeqarfiit katillugit arfineq pingasut, neqinik pisoqalinikunik ilaatigut 2001-imut killilerneqarnikuusunik qerititsivimminniititaqartut naammattoorpai.
Suliffeqarfiit pineqartut neqinik pisoqqanik katillugit 10 tonsinik, kukkukuuaaqqat nerlerillu neqaannik katillugit 5,8 tonsinik kiisalu aalisakkanik 70 kilonik qerititsivimmioqarsimapput.
Neqit pisoqqat ilaat ukiut tallimat matuma siornali ullussaminnik qaangiisimapput, Inuussutissanullu Nakkutilliisoqarfimmit oqaatigineqarpoq suliffeqarfiit arfineq marluk neqaatiminnik namminneerlutik misissuisarsimanngitsut.
Allan Bagge Inuussutissanik Nakkutilliiveqarfimmeersoq oqarpoq Danmarkimi suliffeqarfiit inuussutissanik suliaqartut nioqquteqartullu ilarpassuisa akisussaassungeqanngilluinnartumik ingerlatsinerat uppernarsillugu assut tupaallannartoq.
Danmark qallunaaminernik nunatsinnut annertuumik pilersuisuuvoq, neqillu pisoqarsuit nunatsinnut aamma nassiunneqartarnersut uppernarsineqarnikuunngilaq.
