Neqit mikiaattut, ullormik tunineqarfissaminnik qaangiingaatsiarsimasut, kingumut tusarsaaleqqipput.
Neqit qerititsivimmi mikiaatilersut EU-p inuussutissanik nakkutilliisuutitaanit naammattooneqarput, taakku ilaat, 7 tonsit missaanniittut, Danmarkimi neqaarniarfimmut tuninineqarsimapput.
Tysklandimi oqartussat misissuileruttorput. Danmarkimi inuussutissaqarnermut aqutsisoqarfik sapaatip-akunnerata naanerani taakkunannga attaveqarfigineqarpoq.
Neqit 50 tonsit, ullormik aalajangersimasumik tunineqarfissaminnik meqqilersukkat, allamik ullulimmik meqqilersoqqeriarlugit Tysklandimiit nunanut allanut tunineqarsimapput, ilaatigut Danmarkimut.
Neqit mikiaattut nassaarineqaraangata EU-mi nunanut ilaasortaatitaqartunut kalerriutigilertorneqartarmata, Danmarkimi inuussutissanik aqutsisoqarfik kalerrinneqapallappoq. Neqinilli tunisiffiusoq nassaarineqarsinnaanngilaq:
- Neqit 7,2 tons Danmarkimut aggustip 21-ani tunineqarsimasut kalerrinneqarpugut. Suliffeqarfik Danmarkimi tunisiffiusimasoq Danmarkimi nassaarisinnaannginnatsigu Tysklandimi oqartussat uppernarsaatinik noqqaaffigisimavavut, Danmarkimi inuussutissanik aqutsisoqarfimmi sulisoq taama oqarpoq.
Tysklandimi Danmarkimilu inuussutissanik aqutsisoqarfiit ikioqatigiillutik maanna misissuipput.