Neriniartarfiup NOMAp Københavnimiittup umimmaap neqaanik pitsaasumik siunissami pissarsisarnissani naatsorsuutigisinnaassavaa. Arctic Green Food-ip Danmarkimi tuniniaanermut pisortaa Charles Kastberg Christensen nassuiaavoq umimmaap neqai mattusuut tassaasut tunisassianik ineriartortitsinissamut atugassiat taakkualu NOMA-mut tunineqaqqinnavianngitsut.
- Neriniartarfimmik NOMA-tut ittumik suleqateqarnerput nuannaarutigisorujussuullugulu qujamasuutigisorujussuuarput. Isumagami naapertorlugu taanna neriniartarfiuvoq nunarsuarmi neriniartarfiit pitsaanerpaat ilaat tamannalu tulluusimaarutigeqaarput, piumasaqaataallu naammassiniarlugit tamatigut iliuuseqarusuttorujussuuvugut, Charles Kastberg Christensen oqarpoq nangillunilu:
- Aammattaaq nuannaarutigisorujussuuarput NOMA-mik piginnittut peqatigalugit tunisassiamik ineriartortitsigatta taamalu Kalaallit Nunaannut aamma Arctic Green Foodimut iluaqutaasumik suleqatigisinnaagatsigik.
- Umimmaat neqaannut mattusuunut atatillugu paasissutissat naapertorlugit uani pineqarpoq tunisassianik ineriartortitsinissamut pilersaarut Claus Meyerikkut sinnerluta ingerlassaat.
René Redzepi-llu naliliineranut atatillugu oqaatigissavara tunisassianik ineriartortitsinissamut pilersaarut pineqarmat. Uatsinnullu pingaaruteqarluinnarpoq neqip mattusuuneranik piaartumik ilisimatinneqarnissarput. Matumanilu nuannaarutigaarput piaartumik paasitinneqaratta, taamaalilluta neqit mattusuut unitsissinnaaniassagatsigik, Charles Kastberg Christensen oqarpoq.