Nazareth unnugu Nuummi nipilersussapput
Nuup Timersortarfiani Nazarethikkut unnugu appippata 'Love Hurts' ilaatigut erinarsoqataaffigineqarsinnaassaaq.
Allattoq Elisa Isaksen
Nazarethikkut nunarsuatsinni angalaarlutik Amerikami Kujallermi, USA-mi, Canadami Europamilu tusarnaartitseqattaareerlutik, Skotlandimiit toqqaannarlugu Nuummukarput.
Nipilersoqatigiit nuusiamik 36-ssaat aappaagu saqqummersissavaat, taamaalillutillu ukiuni 35-ni nipilersoqatigiinnerminni ukiumut ataasiarlutik nuusiortarsimapput.
Nazarethikkut unnugu Nuup Timersortarfiani nalunaaqutaq aqqarngup qeqqanut appissapput, appisimaareerpata nipilersoqatigiit Nuummeersut ’Qarsoq’ appisimaassapput.