Navalnyj Ruslandimi parnaarussivimmi peqqiinneruleriartortoq
Ruslandip naalakkersuisuinut illuatungiliuttut siuttuat, Aleksej Navalnyj, parnaarussivimmi peqqiinnerulersimasoq, eqqartuussissuserisua oqarpoq.
Navalnyj neriumajunnaarnermini ullormut kilomik oqinnerulertarpoq.
44-nik ukiulik, Ruslandip præsidentianut Vladimir Putinimut isornartorsiuisuni nuimanersaasoq, parnaarussivimmi atukkani akerleralugit sapaatit akunnerata siulianili neriumajunnaarpoq.
Navalnyj ukiuni marlunni qaammatinilu arfinilinni paarnaarussanngortitaalluni pillagaavoq.
AAMMA ATUARUK EU-p USA-llu russit Navalnyj-p toqunartutortinneqarsimasimanera pillugu pillaraat
Navalnyj Ruslandimi 2020-mi aggustip qaammataani timmisartortilluni toqunartutortitaavoq.
Tysklandimi napparsimmavimmi tamatuma kingorna uninngareerluni Ruslandimut januaarimi uterpoq.
Navalnyj Ruslandimut uterami tigusaavoq.
Navalnyj 2014-imi pineqaatissinneqarnerminut atatillugu misiligummik iperagaanermini mallittarisassanik unioqqutitsisimammat maanna parnaarussaasoq, Ruslandimi oqartussat oqarput.