Navalnyj: Toqunartutortitaanera Putinip piliaraa
Ruslandimi naalakkersuisunut illuatungiliuttoq isumaqarpoq, toqunartutortitaanini Ruslandip præsidentiata, Vladimir Putinip, piliarigaa.
Navalnyj tyskit atugassiaanni Der Spiegelimi apersorneqarluni taama oqarpoq.
Navalnyj Ruslandimi aggustimi timmisartortilluni iluaallermat Berliniliaanneqarpoq.
Navalnyj toqunartutortinneqarsimagunartoq, tyskit oqartussaasuisa tamatuma kingorna inerniuliuppaat.
- Putin toqunartutortitaaninnut pisuutippara, allatullu iliortoqarsimaneranik nassuiaatissaqanngilanga.
AAMMA ATUARUK Navalnyj toqunartutortinneqarsimasutut uninngareerluni angerlartinneqartoq
Navalnyj taama oqartoq, apersorneqarneranik allaatigisami allaqqavoq. Allaatigisarlu taanna tamanut sisamanngornermi saqqummiunneqassaaq.
Ruslandimi naalakkersuisut Navalnyj-p toqunartutortitaasimaneranut arlaannaatigulluunniit akuliunneqarnissartik akuerinngilaat, toqunartutortitsisuunerarneqarnerminnillu uppernarsaatinik saqqummiisoqarnissaa piumasaralugu.
Ruslandimut uternissamik pilersaarluni, Navalnyj Der Spiegelimut oqarpoq.
- Anusinngujuinnissara tullinnguuppoq. Aamma qunugisaqanngilanga, Putinimut illuatungiliuttoq oqaasissamillu mianersuaatsoq oqarpoq.