Navalnyj: Novichokimik attugaqartitaanikkut toqunartutortitaavunga

Aleksej Navalnyj timmisartumut aggustip ulluisa 20-anni ikingajalerluni toqunartumik Novichokimik attugaqarsimagunarluni tamannalu peruluutigilerlugu, Ruslandimi illuatungiliuttup nammineerluni oqaatigaa.

YouTubemi apersorneqarnermini taama oqartoq, nutaarsiassaqartitsivik Reuters allappoq.

Navalnyj timmisartumut aggustip ulluisa 20-anni ikereerluni napparsimalerpoq. Ima iluaalliortigaanga allaat toqunissara annilaanngatigilerlugu, Navalnyj oqarpoq.

Timmisartoq Sibiriamit Moskvaliartilluni Sibiriami illoqarfimmut Omskimut mittariaqalerpoq, Navalnyj napparsimmavimmut unitsinneqarsinnaaniassammat katsorsarneqarlunilu.

Navalnyjip Tysklandimi katsorsarneqarsinnaanissaa Tysklandip taava neqeroorutigaa, Navalnyjilli Tysklandimut nuunneqarnissaa Omskimi nakorsat piaaralutik kinguarsaraat Navalnyjip nammineq oqaatigaa.

AAMMA ATUARUK Navalnyj: Toqunartutortitaanera Putinip piliaraa

Navalnyjip toqunartutortinneqarsimaneranut takussutissat Tysklandimi nakorsanit paasineqarsinnaannginnissaat Ruslandimi nakorsat neriuutigisimagaat, Ruslandimi naalakkersuisunut illuatungiliuttup eqqoriarpaa.

Navalnyjip Ruslandimi oqartussanut ulorianartuunerarlugu toqunartutortinneqarluni toqunneqarnissaata præsident Vladimir Putinip naalakkiutigisimagaa Navalnyjip oqaatigaa.

Ruslandimi inatsisartunut, Dumamut, kingusinnerpaamik aappaagu qinersisoqartussaavoq.

Naalakkersuisunut illuatungiliuttup Ruslandimi naalakkersuisunit toqoriaraluarneqarneraaneq Ruslandimi naalakkersuisut ilumuunnginnerarpaat.