- Islandip kitaani sila atoruminarsimaqaaq, piaqqallu arlaqartut tukereersimapput, timmissanik ilisimatooq Kristin Haukur Skarphédinsson Islandip Naturhistorisk Institutiani atorfilik Siku Newsimut oqarpoq.
Nattoralik Islandimi timmissat piaqqiortartut akuttunersaraat, 1900-kkullu aallartinneranni nungutaangajavissimalluni.
Nattorallilli 1960-ikkunni arriitsunnguamik amerliartoqqilersimapput, nattorallillu inersimasut aappariiaat 65-iusut 2005-imi kisinneqarput.