Nunat killiit illersoqatigiiffiata, NATO-p, Islandimi Keflavikimi sakkutooqarfia USA-p inuerutitileruttorpaa.
Amerikamiut sakkutuui 500-t NATO-p sakkutooqarfiani maanna kiserngorupput, Islandimi naalagaaffiup raatioqarfia, RUV.
Timmisartut sorsuutit pingasut qulimiguullillu marluk aamma sakkutooqarfimmiipput. Amerikamiut sakkutuui Keflavikimiittut ukioq marsip qeqqani 2000-iugaluarput, Sorsunnerup Nillertup ingerlanerani Nunat Killiit illersoqatigiiffiata, NATO-p, sakkutooqarfiani amerikamiut sakkutuui 4000-iusimapput.
Sakkutooqarfiup sumut atorneqarnissaa suli ilisimaneqanngilaq, kisianni illut allallu inissiat aserfallatsaalinissaat anguniarlugu sanaartugassanik suliaqartartunik, tassa entreprenørinik, Islandimi nunanut allanut ministeqarfik pissarsioreerpoq.
NATO-p sakkutooqarfia Islandimi inuiaqatigiinnut sunniuteqarsimaqaaq. Islandimiut 700-t 900-llu akornanniittut Keflavikimi sakkutooqarfimmi ukiut ingerlanerini sulisuusimapput.