Nato Libyami pisunut akuliuppoq
Nato-mi pisortaq Anders Fogh Rasmussen Libyami pikitsitsineq pillugu Natomi immikkut ittumik ualimut ataatsimiigiaqqusivoq.
Allattoq Elisa Isaksen
Nato-mi ataatsimiinneq sioqqullugu Natomi pisortap taassuma Nunani EU-mut ilaasortaasuni illersornissamut ministerit arlallit ataatsimeeqatigeqqaarniarpai.
- Libyami ikiortariaqartut ikiorsinnaajumallugit piaartumik iliuuseqarsinnaasariaqarpugut pisullu kinguneri killilersimaarlugit, Fogh Rasmussen oqarpoq.
Nunani allamiut Libyamit qimaarusuttut qanoq qimarngussuunneqarsinnaanerat, ikiortarialinnillu Natop qanoq ikiuussinnaanera ataatsimiinnissami aalajangiiffigineqartussatut siunertarineqartut ilagaat.
Nato qanorpiaq iliorluni ikiuutissanersoq Anders Fogh Rasmussenip oqaatiginngilaa.