Natan Obed Inuit Tapiriit Kanatami præsidentitut sassaqqittoq
Canadami naggueqatigiit Inuit siuttuat Natan Obed, Inuit Tapiriit Kanatami præsidentitut sassaqqinniarpoq, præsidentitut pingajussaa qinigaasinnaalluni. CBC News taama allaaserisaqarpoq.
Inuit Tapiriit Kanatami præsidenti Natan Obed. Asseq; Toqqorsivimmit
Allattoq Mads Lynge
aggustip 26-at 2021 10:59
Natan Obed Inuit Tapiriit Kanatami præsidentitut maannamut sassartutuaavoq. Præsidentitut atorfiup soqutigineqannginnerattut tamanna isigineqassanngitsoq taassuma oqaatigaa, suliaanulli tatiginninnertut takussutissaanerarlugu.
- Maannamut angusarisimannut tatiginninnertut isigaara, naggueqatigiit Inuit sulininnik tatiginninnerattut nalilerlugu, Natan Obed oqarpoq.
Obed Inuit Tapiriit Kanatami taamaasilluni pingajussaa præsidentinngortussanngorpoq. Præsidentitut siullerpaamik 2015-imi qinigaavoq, aappassaalu 2018-imi qinigaalluni.
Canadami naggueqatigiit Inuit Inuvialuit Settlement Regionimi, Nunavummi, Nunavimmi Nunatsiavummilu Inuit Tapiriit Kanatamit sullinneqarput.
