Naser Khader Liberal Alliancemit tunuarpoq
-Juullimi sulinngiffeqarnera atorlugu siunissami politikimi sulerinissara eqqarsaatigisimavara, Naser Khader nittartakkamini taamatut allappoq. Partiip Liberal Alliancep inissisimanera ajorisimavara, imminullu aperivunga, Liberal Alliancep inissisimanera allanngortissinnaanerlugu imaluunniiit allatut iliorsinnaanerlugu, tamannali iluatsisinnaasimanngilaq.
Ny Alliance aallartikkatsigu partiinut allanut ikaarsaariarfittut takorloorsimavara, partii naleqartitanik pingaartitsisoq, nunat allamiut inuiaqatigiinnut akuunerulernissaannut partii suliniuteqartoq. Ukiorpassuarni politikikkut sulininni sorsuutigijuarsimasakka pillugit partii suliniuteqartoq, Naser Khader nittartakkamini allappoq.
Siunertaq tamanna attatiinnarsinnaasimanngilara.
Ataqatigiinnissamut siunertaqarluni suliniut qatangiinnarpoq. Siunissami suliniutissat unamminartut aaqqiissutissaannik suliniuteqarnermi, kisitsisit aningaasarsiornerlu kisimik pineqassanngillat, inuttulli naleqassutsit aamma pisariaqarput.
Partiimi anguniagaq allanngortinneqarsinnaanani ingerlalersimavoq, partiimik Ny Alliancemik pilersitsisuusimasoq Naser Khader nittartakkamini taamatut allappoq.
