Naser Khader ajuusaarpoq
Folketingimi ilaasortap Naser Khaderip, Ny Alliance-meersup, Nuummi oqalugiarsinnaannginnini ajuusaarutigaa. Sermitsiami tamanna atuarneqarsinnaavoq.
Oqalugiartussamik tusarnaariarniat billetsisereersimasut aamma utoqqatserfigineqarput.
Naser Khader sapaatip akunnerup massuma naanerani Nuummi Hotel Hans Egedemi oqalugiartussaagaluarpoq.
Danmarkimi politikkikkut pissanganartorsiortoqarmat Naser Khaderip Nuummi oqalugiarnissaraluani taamaatinnarpaa.
- Kalaallit Nunaat nuannareqaara, Kalaallillu Nunaannukarnissara qilanaarisimagaluarlugu, qinersisoqarnissaanulli suaarutiginnittoqarnissaa annertuallaarpoq, Naser Khader Sermitsiamut oqarpoq.