NASA-p avataarsualiartaassua avataarsualiartitseqqilersaarnerni isumalluutaasoq

USA-p avataarsualiartitseqatigiiffia, NASA, avataarsualiartaammik inuttaqanngitsumik ullumi ataasinngornermi aallartitsissaaq.

Avataarsualiartaatip inuttaqanngitsup 100 meterinik portussusillip qaammat ullut 42-t ingerlaneranni kaajallariarlugu nunarsuarmukaqqittussaassaaq.

Inunnik 2025-mi qaammammukartitsinissamik siunissamilu ungasinnerusumi Marsimukartitsinissamik pilersaaruteqarneq sioqqullugu avataarsualiartaat qaammammik maanna kaajaallaasinneqassasoq, NASA-mit nalunaarutigineqarpoq.

Amerikamiut avataarsuarliartaat Floridami Cape Kennedy Space Centerimiit ullaap tungaani aallartilerpassuk inuppassuit 100.000-it 200.000-illu akornanniittut igeriussiffissap eqqaaniit isiginnaarnissaat naatsorsuutigineqarpoq.

AAMMA ATUARUK NASA Marsimit ujaqqanik tigusisimanini uppernarsaraa

Artemissimik taallugu 2025-mi avataarsualiartitsinissamik suliami siullerpaamik arnamik qaamasumillu amiliunngitsumik qaammasiartitsisoqassasoq, NASA nalunaarpoq.

Avataarsuartaatilli aallarnissaanut sila apeqqutaasorujusuusoq, NASA-mit oqaatigineqarpoq. Avataarsualiartaat sila peqqutigalugu ullumi ataasinngornermi aallarsinnaassanngippat septembarip aappaani tallimaaniluunniit aallarsinnaassasoq, NASA-mit oqaatigineqarpoq.

Qaammat inummit 1969-imi tummaqqaarneqarmalli taamanerniit inuit katillutik qulit qaammammiissimapput, inuillu marluk 1972-imi kingulliugallartut qaammammiissimallutik.