NASA-p avataarsuliartitsiniarnini aappassaa taamaatiinnaraa
Amerikamiut avataarsualiartitsisarfiata NASA-p, avataarsualiartaataata Artemis 1-ip avataarsualiartinneqarnissaa, sapaatip-akunnerata ataatsip ingerlanerani aappassaa kinguartinneqarpoq.
Avataarsualiartitsinissap kinguartinneqarnera NASA-p arfininngornermi nalunaarutigaa. Avataarsualiartitsinissaq sapaatit-akunnerinik marlunnik sivisunermilluunniit taamaasilluni kinguartinneqarpoq.
Nutaarsiassaqartitsivik Reuters taama allaaserisaqarpoq.
AAMMA ATUARUK NASA arfininngorpat avataarsualiartitseqqeriarniartoq
Ikummatissaata erngarnera pissutaavoq. Teknikerit erngarnera arfininngornermi pingasoriarlutik iluarseriaraluarpaat, iluatsinnaguli.
Teknikkikkut ajornartorsiutit aaqqinniarnissaasa ajornakusoornerat pissutaalluni avataarsualiartaat septembarip ulluisa 19-iata 30-atalu akornanni aatsaat
aallartinneqarsinnaasoq NASA-p tusagassiortunut oqaatigaa.
Raketti Artemis 1 100 meteringajak angitigaaq, NASA-llu avataarsualiartaataasa akornanni maannamut sakkortunerpaalluni. Artemis 1 ulluni 42-ni angalassaaq, qaammallu kaajallariarlugu utissalluni. Inuttaqassanngilaq.