NASA arfininngorpat avataarsualiartitseqqeriarniartoq

NASA-p avataarsualiartaatini Artemis 1 ataasinngormat iluatsinngitsoortumik aallarteriaraluakkani arfininngorpat qaammammukarteriaqqissavaa.
Artemis 1 avataarsuanut igeriunneqareerpat qaammammillu kaajallaareerpat ullut 42-ssaanni nunarsuatsinnut uternissaa pilersaarutaavoq. Assi © : Joe Raedle/AFP/Ritzau Scanpix
Allattoq Ritzau
aggustip 31-at 2022 11:21
Nutserisoq Jaaku Lyberth

Amerikamiut avataarsualiartitsisarfia NASA avataarsualiartaat Artemis 1 qaammammukarteriarniarlugu arfininngorpat misileeqqinniarpoq.

NASA-mit tusarfik taama paasissutissiisoq, nutaarsiassaqartitsivik Reuters allappoq.

Artemis 1 qaammammukarteriarneqaqqilerpoq, ataasinngormammi aallarteriarneqarnerani motooria pissusissamisut iliunngimmat kinguartinneqarami.

Tassa Artesimik taallugit avataarsualiartitsiniarnerit, avataarsualiartaatit nutaat arlaqartut misiligutitut aallartinneqartartussat siullersaat arfinngorpat aallartinneqassaaq.

Ukiuni aggersuni inunnik qaammammusiartitsisalersaarnerup annertuup tamanna ilagaa.

AAMMA ATUARUK NASA-p avataarsualiartaassua avataarsualiartitseqqilersaarnerni isumalluutaasoq

Artemis 1 inuttaqanngilaq, pilersaarutillu tulliuttut naapertorlugit avataarsualiartinneqartussaq tulleq inuttaqassaaq.

Artemis 1 ataasinngormat avataarsualiarteriarneqarmat pissanngatigineqarpoq.

Artemis 1 ataasinngormat aalllartinniarneqarmat NASA assigiinngitsunik aporfissaqarsimavoq.

Artemis 1-ip avataarsualiartinneqarnissaanut ajornartorsiutigineqartut arfininngorpat aaqqinneqareersimanissaat neriuutigineqartoq, tusagassiortunik marlunngornermi katersortitsisoqarnerani oqaatigineqarpoq.

Artemis 1 avataarsuanut igeriunneqareerpat qaammammillu kaajallaareerpat ullut 42-ssaanni nunarsuatsinnut uternissaa pilersaarutaavoq.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk