Avatangiisit

VIDEO NASA angalaqatigalugu Helheimip Sermia qanimut takuuk

Amerikamiut avataarsuanik misissuisoqarfiat NASA avataarsuanik misissuinerinnarmik suliaqartuunngilaq. NASA-p maannakkorpiaq suliaasa ilagaat Issittup sikuanik Sikuiuitsullu kujalliup sikuanik nalunaarsuineq.

Allattoq Camilla Dam

juunip 08-at 2015 10:51

Nutserisoq Simon Uldum -

Suliniut Operation IceBridgemik taaguuteqartoq 2009-mi aallartinneqarpoq aappaagumullu ingerlanneqartussatut pilersaarutigineqarluni. Timmisartumik qulaavaalluni serminik iigartartunik, iluliaminernik imaatalu sikuanik filmiliorluni nalunaarsuinikkut, silap pissusiata allanngoriartornera Kalaallit Nunaata Sikuiuitsullu kujalliup sikuinut qanoq sunniuteqarnersoq pillugu paasissutissanik katersuisoqarpoq.

NASA-p timmisartutaa C-130 marsimit maajimut sapaatit-akunneri qulit ingerlanerini nalunaaquttap-akunneri arfineq-pingasukkuutaarlugit 33-riarluni angalasimavoq.

- Kalaallit Nunaata avannaani Canadallu issittuani sumiiffiit immikkut toqqakkat nalunaarsorluarpagut, aamma Kalaallit Nunaata kujataani sermersuaq pitsaalluinnartumik nalunaarsorparput, suliniummi pisortaasoq John Sonntag, NASA-p USA-mi Marylandimi qullersaqarfianit taama oqarpoq.

Aamma atuaruk Kalaallit Nunaat qaffakkiartorpoq

Helheimip Sermiata NASA-mit filmiliarineqarnera Moby nipilersuusiaanik nipilersuusigaq qulaani isiginnaarsinnaarneqarsinnaavoq.