Narsarsuup Københavnillu akornanni timmisartornermi akit qaffapput

Akit qaffanneri pillugit Sulisartut Højskoleani pisortaq Kaj Lyberth ima oqarpoq.

- Ukiut arlallit qaangiupput Narsarsuup Københavnillu akornanni uterlugulu angalaqatigiinnermi akiliut inummut ataatsimut 3.500 koruuninik akeqalermat.

Angalanermut akigititaq ukiarmi 8.000 koruuninut qaffanneqarpoq, decembarillu ulluisa 23-anni paasitinneqarpugut angalanermut akigititaq 13.000 koruuninut qaffariaqqittoq, tamannalu assorujussuaq uggornarpoq, Kaj Lyberth oqarpoq.

Taassuma qularutiginngilaa takornariat tikittartut ikileriarumaartut, Air Greenlandillu ilaasunik akitigitai qaffakkaluttuinnassappata tamanna højskolip takornarianik tikitsisarneranik unitsitsinermik kinguneqarsinnaasoq Kaj Lyberthip ernummatigaa.

Taassuma ilanngullugu oqaatigaa Air Greenlandip ilaasunut akigititai qaffakkaluttuinnassappata timmisartortitseqatigiiffinnik allanik suleqateqarnissartik eqqarsaatigigitsik.