Narsarsuaq ataannarli
- Misissuinerit naammattut pigaavut, taakkulu tamarmik oqariartuutigisaat assigiiusoq tassaavoq Narsarsuaq pitsaassutsimigut ajoquteqanngitsoq. Soorlu 2002-mi eqqartortarpaat ilumut Narsarsuaq ataannassanersoq imaluunniit allamik akilersinnaanerusumik nassaarniartoqassanersoq. Oqariartuutaasorlu tassaavoq, soorunami pitsaanerusumik ingerlatsisoqarsinnaasoq taamaattorli suluusalinnik ingerlatsinerit assigiinngitsutigut pitsanngorsarneqarsinnaasut taamaalilluni suli pitsaanerusumik angusaqartoqarsinnaalluni, Suka Frederiksen oqarpoq.
Aperineqarami taava Narsarsuup mittarfiata Qaqortumut nuunneqarsinnaanera akerlerineraat, nunatta aningaasaqassusaa naapertorlugu ingerlatsinissaq naalakkersuinikkut oqariartuutigineqartarmat, misissuinerillu takutimmassuk Narsarsuup ingerlaannarnissaa akornutissaqanngitsoq, tamanna ilalernartikkitsik.
Suka Frederiksenip ilanngullugu oqaatigaa, Narsarsuup mittarfeqarfittut atuunnerata saniatigut illoqarfiit taakku pingasut akornanni, tassalu Qaqortup Narsap Narsarsuullu akornanni aqqusinertigut piorsaanissaq aamma pingaartikkamikku.
