Narsarsualiartussaagaluit Kangerlussualiaanneqarput
Sila peqqutaalluni Air Greenlandip timmisartuussineri Københavnip Narsarsuullu akornanni iluatsinngitsoorput.
Allattoq Elisa Isaksen
Timmisartoq GL785 Københavnimiit Narsarsuarmut ingerlaartoq Kangerlussualiartinneqarpoq. Ilaasullu kujataanukartut aqagu sapaammi Narsarsuarmut ingerlateqqinneqassapput timmisartumik attartukkamik Jet Time-imeersumik. Ilaasussallu Københavniliartut tassanngaanniit ingerlanneqassallutik.
Allakkat poortukkallu kujataanukartut kujataaneersullu timmisartumi inissallit ilanngunneqassallutik.