Narsaq Seafood Arctic Prime Fisheriesimit pisiarineqartoq
![Arctic Prime Fisheries](/sites/default/files/styles/image_934x467/public/unavngivet.png?itok=fTHU1VvS)
Illuatungeriit sivisuumik isumaqatigiinniareersut tunisineq pisoq, ingerlatseqatigiiffiit marluusut siulittaasui tusagassiorfinnut nalunaarummi ilisimatitsipput.
Polar Seafoodip Narsaq Seafoodimik piginnittuunerminit tunuarnini naammagisimaarpaa, piginniittorlu nutaaq pitsaanerusumik ingerlatsisinnaanerarlugu.
- Kujataani suliarpassuallit - uatsinnut naleqqiullutik pitsaanerusumik tunisassiorfimmik ingerlatsisinnaanerat ineriartortitsisinnaanerallu upperaarput, Polar Seafoodimi siulersuisuni siulittaasoq Henrik Leth taama oqarpoq.
AAMMA ATUARUK Polar Seafood sinneqartooruteqarluartoq
Arctic Prime Fisheriesip maanna pingasunik suliffissuaqalernini nukittoqqutitut isigaa. Nanortalik, Qaqortumi maannalu Narsami suliffissuaqalerpoq.
- Nunap immikkoortuani pingasunik tunisassiorfeqarnikkut, Nunatta kujataani aalisartunik suleqateqarnerput siammasinnerulissaaq taamaalillunilu aamma aalisarnerup suli ingerlalluarnerulernissaanut iluaqutaassalluni, tassami imminut akilersinnaasumik nunami tunisassiornissamut tamanna pisariaqartinneqarmat. Nunatta kujataani aalisarnermik ineriartortitsineq tunisassiornerlu upperaavut, Jørgen Wæver Johansen, Arctic Prime Fisheriesimi siulersuisuni siulittaasunngortussaq taama oqarpoq.