Narsaq: -Ilaqutariit ataatsimut sullinneqartariaqarput

Sumiginnarneqarsimasut ikiorniarlugit suliniartoqassappat, kommunit nunatsinni tamarmik allaanerusumik eqqarsariaaseqartariaqarput, ilaqutariillu ataatsimut sullillugit. Narsap borgmesteria, Kiista P. Isaksen, taama isumaqarpoq:

- Imigassamik ikiaroornartumillu annertuumik atuisoqartillugu aammalu meeqqanik sumiginnaanermi imaluunniit kinguaassiutitigut atornerluisoqartillugu pisariaqartorujussuusoq ilaqutariit ataatsimut qitiutillugit sullinneqartarnissaat. Uani aggulullugit ilaanni immaqa ilaqutariinni angajoqqaaq qaqiffimmi katsorsartillugu taava tikippat inissaqalerpat taava meeraq ulloq unnuarlu angerlarsimaffimmut inissillugu agguluttaqattaarlugit inissittaqattaarnerani ingerlaavartaqattaartartut taamaammat pisariaqartorujussuuvoq uani ilaqutariit ataatsimut qitiutillugit sullinneqartalernissaat. Aammalu inunnik isumaginnittoqarfiit sullissisui naammagiunnaarlugit angerlarsimaffinnut orniguttartussanik pappiliarsunngitsunik sullissineq aamma annertunerusariaqartoq, Narsap borgmesteria Kiista P. Isaksen, Itisiliinermi apersorneqartunut ilaasoq, Jens Thorin-imut taama oqarpoq. Kiista P. Isaksen aamma siunnersuuteqarpoq, kommunini erniinnaartumik pisariaqartitsisoqartillugu isumaginninnermi immikkut ilisimasalinnik ikiuiartorlutik aallarasuartartussanik pilersitsisoqassasoq.