Narsaq ikiorserneqalersoq

- Narsap Kommuniani Inunnik Isumaginninnermi ataatsimmiititaliaq Nuummi Ilaqutariinnermut Pisortaqarfimmut qaaqquara, Narsami ajornartorsiutit qanoq ittunik sinaakkusersorlugit qaangerniassanerigut ataatsimoorluta oqaloqatigiissutiginiassagatsigu, Ilaqutariinnermut Peqqissutsimullu Naalakkersuisoq, ippassaq ualingaatsiartoq Narsamiit aallannginnermini oqarpoq.

Inunnik Isumaginninnerup ataani ajornartorsiutit annertoorujussuit, Narsap Kommuniata kisimiilluni nammassinnaangisai, kommunalbestyrelsimi ilaasortat tikeraallu oqaloqatigiissutigaat.

- Illoqqortoomiuni ajornartorsiutit qaangerniarlugit suleriaaseq atorlugu Narsami misiliisoqarsinnaanera siunnersuutigaara, kisianni tassa qanittumik suleqatigiinnissarput siunniupparput tamannalu piaarnerpaamik sapaatip akunnerataluunniit tulliani aallartinneqarsinnaavoq, Naalakkersuisut siulittaasuat Hans Enoksen oqarpoq.

Illoqqortoormiunut tunngatillugu suleriaaseq pineqartoq tassaavoq, Namminersornerullutik Oqartussat Illoqqortoormiuni inunnik isumaginninnermut atugassanik ukiuni pingasuni aningaasaliisimanera.

Ataatsimmiinneq naammassimmat borgmester Kiista Isaksen nuannaaqaaq.

- Nukappiaqqanut ilaqutaannullu ikiuigasuarfiusussaq, Paarsinermik taaguuteqartinneqartoq kommunalbestyrelsip tamarmiusup akuersissutigaa. Tassani pineqarput nukappiaqqat atornerlunneqarsimasut ilaqutaannillu katsorsaaviusinnaasoq, taamaattumik Inunnik Isumaginninnermi ataatsimiititaliaq piaarnerpaaq atorlugu Nuuliarsinnaavoq, pisariaqartitavut suunersut oqaloqatigiissutigiartorlugit. Kiista Isaksen oqarpoq.

Erseqqissarpaa Hans Enoksen –ip siunnersuutaanut tunngasoq kommunalbestyrelsimi suli oqaluuserisimanngikkitsik.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat