Narsami vikareqarnerup unitsinneqarnera iluarineqanngilaq

Narsap kommuneani aningaasassaaleqineq pissutigalugu atuartut vikareqartinneqartarnerat ukiup naanissaata tungaanut unitsikkallarneqarpoq. Tamanna naammaginanngitsorujussuuvoq atuarfitsialaallu anguniagaanik eqquutsitsinerunngilaq, Narsami angajoqqaaq atuartuutilik, Bent Sand taama oqarpoq. Bent Sand isumaqarpoq vikareqarnerup unitsinneqarnera meeqqat atuartinneqarnerannut assut eqquisussanngortoq.

-Erninnguara qulingiluanik ukiulik ippassaq iserpoq allakkanik nassarluni, allakkani allassimavoq atuarfimmi vikareqartarneq ukiup sinneranut unikkallartoq aningaasassaaleqineq pissutigalugu, tamannalu eqqortuliornerunngilaq, Bent Sand Narsami atuartuutilik taama oqarpoq.

Suna eqqunngitsuliornerusorineraa aperigatsinni akivoq taama aalajangerneq Atuarfiatsialaap anguniagaanut naapertuutinngitsoq:

- Atuarfitsialammi oqaluuserineqartuarpoq tassunga illugalugu meerartagut pisinnaanngorluarnissammata kiisami aatsaat tassa massakkut iluamik ilinniartinneqalersut. Ilinniartitsisussaqannginnerli pissutigalugu meeqqat angerlartiinnarneqartalissappata anguniagaq suli angujuminaannerulissaaq, Bent Sand oqarpoq.

Meerartagut nunatta siunissarai atuanngitsoortinneqartalissappatalu tamanna akissaqarfiginngilarput. Akuersaarneqarsinnaanngilaq ilinniartitsisup ulluni sisamani napparsimanerata nalaani meeqqat angerlarsimannartalissappata, Bent Sand oqarpoq.

Narsap atuarfiani vikareqarnerup aningaasassaaleqissunneqarneranut peqqummik paasitinneqarsimanatik Bent Sand aamma oqarpoq.

Narsami angajoqqaap atuartuutillip saqqummiussaanut Narsap kommuniani meeqqanut kultureqarnermullu pisortaq Kattie Egede Motzfeldt ullaap tungaani ataatsimiimmat oqaaseqartissinnaasimanngilarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat