Narsami unnugu illakusullutillu qitutsilersinnaapput
Aggersaasuuvoq Pitsaaliuinermut siunnersorti, Bolethe Stenskov:
- Indiamiup nakorsap Madan Kataria-p Yogartitsilluni illaqatigiittalerneq 1995-imi aallartippaa. Illarneq inuunermik pitsanngorsaataammat uagut maani aamma misilikkusulersimavarput. Taamaammat kikkulluunniit piumasut A-21-imukarnissaannik kajumissaarusuppavut, pitsaaliuinermut siunnersorti oqarpoq.
A-21-p ineeraani kalaallit illarnermik nuannarisaqarnerat nalunaaqutaq arfineq-marlunut aallartikkunik ersersinneqassaqqaartoq aaqqissuisup qularutiginngilaa.
- Kissasseqqaassaagut, illariaatsimmi arlalissuugamik, aallartippoq, nangillunilu.
- Illariaaseqarpoq, soorlu isussulluni, nipitoorujussuarmik tupallunilu illarnernik. Nalunngilara illarneq tuniluutilersartoq. Taamaammat aamma kalaallit illallaqqissorujussuupput, Bolethe Stenskov oqarpoq.
- Illaleraangatta naammassisutut misigisarpugut, peqqinnartuummat, uippakajaartunut eqqissiartulersitsisarmat, aamma uummammut, aatsinnut qaratsatsinnullu iluaqutaammat. Nalunngilara inuit ilaasa illarneq nalugaat, taamaammat sungiusassavavut, nangippoq.
Narsarmiut illarusuttut innuttaasut illuannut unnugu arfineq-marlunut illariaqquneqarput.