Narsami naatitsivik iluatsilluartoq
Narsami naatitanik misiliilluni naatsitsineq – Kalaallit naatitaat Narsami sorlalimmik- taasaq iluatsilluarpoq.
Tamanna avatangiisinut mingutsitsinngitsumik imminullu akilersinnaasumik Kujataanilu iluaqutigineqartussat ilaattut Narsami misiliineruvoq, naatitsinermi seqerngup nukinga atorlugu naatitsisoqarpoq silamilu naatitsivinni naatitanik naatitsisimaneq kinguneqarluarsimasoq unnersiutigineqarpoq.
Paasisat taamaattut tunngavigalugit, Narsami misileraanermi ingerlatsisuusoq Bent Olesen isumaqarpoq, Kujataani illoqarfiit allat taamatut naatitsisarnermik periarfissinneqartariaqartut.
Isumaqarnerarportaaq, naatitat nutaat Kujataani niuerutaalluarsinnaanissaannut tunngavissaqarluartoq.
- Narsami uagut naatitsivipput mikivallaalereerpoq, taannami 73 kvardrat meteriinnaavoq. Agurkit kisiisa eqqarsaatigalugit, aasap ingerlanerinnaani 900 –t missaaniittut naatippavut. Tomaterpassuit, naasullu igaanut akussat, naasut sikkersullit allallu naatsiivinni naasuusivinnilu naatinneqarsinnaasut naatippavut tamarluinnaasalu tunillutigit, taama nassuiaavoq Bent Olesen.
Narsami soqutigisaqaqatigiit pilersinnerisigut Narsap Kommunianit tapersersorneqarlutik naatitsivik pilersippaat. Aningaasaateqarfinniillu assigiinngitsunit aningaasaliiffigineqarsimavoq.
