Narsami kommunalbestyrelse avissaarput
marsip 14-at 2006 10:35
Narsap kommunalbestyrelse-ani amerlanerussuteqartut taarserneqarput. Siumut Atassullu avissaarput, maannalu Siumukkut borgmesterertik Kista P. Isaksen siuttoralugu Inuit Ataqatigiinnik suleqateqalerput.
Nutaamik suleqatigiittoqalernera ataatsimiititaliat siulittaasuuffiinik allannguititsivoq. Siumup teknikkeqarnermut, isumaginninnermullu ataatsimiititalianut siulittaasuuffeqalerput, Inuit Ataqatigiillu suliffissaqartitsinermut, meeqqanut kulturimullu ataatsimiititaliamut siulittaasuuffeqalerlutik.
Siumukkut Atassutikkullu avissaarnerat sumik peqquteqarnersoq radioaviisimit paasiniaraluaratsigu iluatsinngilarput.
