Narsami atuarfissaq tamaviaarunneqarpoq
Nunatsinni naqinnernik immikkoortitsisinnaanngitsunut Narsami atuarfiliortoqarnissaa pivisunngortinniarneqarpoq.
-Narsap kommuneata Aningaasaqarnermut Ataatsimiititaliaa massakkorpiaq Nuummiippoq, Kultureqarnermut Ilinniartitaanermullu Naalakkersuisoq Doris Jakobsen ataatsimeeqatigiartorlugu.
- Atuarfissap aningaasalersorneqarnissaa pillugu aammalu atuartut ineqarfissai pillugit taamatuttaaq ilinniartitsisussat pillugit ataatsimiinneq imaqassaaq Narsap borgmesteria Kiista P. Isaksen oqarpoq.
Naqinnernik immikkoortitsisinnaanngitsunik Narsami siorna decembarimi misiligutigalugu atuartitsineq iluatsilluarsimavoq. Atuartitat naggataarutaasumik misilinneqaramik amerlanerit angusarissaarsimallutik. Tamannalu pillugu Narsami Kommunalbestyrelsi aalajangiisinnaasuuguni, atuarfissaq piaartumik aallartinneqassagaluartoq Kiista P. Isaksen oqarpoq.
Doris Jakobsen Kujataata Radioanut siusinnerusukkut oqarpoq, atuarfiliortoqarnissaa tapersersornartikkini. Narsap kommuneata aallartitai Ilinniartitaanermullu naalakkersuisoq ullaap tungaani aqqanermiit ataatsimeeqatigiipput.
