Narsami ataatsimiinneq peqataaffigilluarneqartoq
Ilinniartitsisussaaleqineq, illoqarfittullu ikinngutigisamut Gladsaxemut tunngatillugu kommunimit sipaarniuteqarniarneq eqqartukkani pingaarnersaajupput. Angajoqqaat ataatsimiinnermi najuuttut 65-iupput. Atuartut freertinneqartarnerat pillugit ilaatigut apeqquteqaateqarlutillu, atuartut soraarummeernissaaminnut piareersartinneqartarnersut apeqquteqaatigineqarluni.
Atuarfiup siulersuisuisa borgmester Kîsta P. Isaksen, aamma Aningaasaqarnermut Ataatsimiititaliaq, kiisalu Meeqqanut Kultureqarnermullu Ataatsimiitialiaq sapaatip akunnerata siuliani ataatsimeeqatigaat, atuarfiullu siulersuisuini siulittaasoq Jacqueline Laursen tamanna pillugu nassuiaateqarluni.
Ilinniartitsissussarsiornermut atatillugu aasaru annertunerusumik iliuuseqartoqarnialersoq kommunimit neriorsuutigineqarpoq.
Iliuusissat annertunerusut allat ukiumi atuarfiusumi 2009/2010-mi aatsaat piviusunngortinniarneqarsinnaasut oqaatigineqarpoq.
Kommunimeersut sapaatip akunnerata siuliani ataatsimeeqatigineqartut ippassaq ataatsimiinnermi peqataanngillat, aallaqqanertik pissutigalugu, angajoqqaalli amerlasuut peqataanerat atuarfiup siulersuisuinit nuannaarutigineqaqaaq:
- Ataatsimiinneq siulersuisunit iluarineqaqaaq. Nuanneqaaq angajoqqaat taama amerlatigisut peqataasinnaasimammata. Meeqqatik pillugit angajoqqaat soqutiginnilluartut malunnarpoq, siulersuisuni siulittaasoq Jacqueline Laursen oqarpoq.
