Narsami aallaasersortoqarmat inuit marluk eqqorneqarput - aallaasersortoq tigusarineqarpoq

Kalaallit Nunaanni politiini pigaartut pisortaata Brian Thomsenip tamanna KNR-imut uppernarsarpaa.

Aallaasersortoqaneranik politiit ualeq manna nalunaaqutat tallimanut tanneq qulinngortoq nalunaarfigineqarput - akunnerullu affaa qaangiummat angut allaasersortoq tigusarineqarpoq.

Inuit marluk aallaasersortoqarnerani eqqorneqartut inuunerminnik ulorianartorsiunngillat.

- Narsami ulorianartorsiortoqarnera maanna qaangiuppoq Brian Thomsen oqarpoq.

Inuit allat pingasut ajoquserput kisianni taakkua aallaasersortoqarneranit eqqorneqanngillat, Brian Thomsen oqarpoq.

Aallaasersortoqarnerani aqerlut eqqugaannit tammmifigitillutik ajoquserput, Brian Thomsen oqarpoq.

Aallaasersortoqarneranut patsisaasoq politiinit maanna paasiniarneqaleruttorpoq, politiillu annertunerusumik maanna paasissutissiisinnaanngillat.