NAQQIUT:
Allattoq Mads Lynge
novembarip 23-at 2007 12:25
Ippassaq unnukkut Radioaviisimi oqaatigisaraluatsinnik naqqiuteqalaassaagut. Tassami Demokraatineersoq Palle Christiansen oqaaserinngisaanik oqartittooraluaratsigu.
Taanna ICC-mut tunngasuuvoq, imalu oqartipparput:
” ICC-p nunanut allanut naalakkersuisoqarfimmut nuunneqarneratigut tapiissutigineqartartut malugineqarsinnaasumik appartinneqarsinnaalissapput”.
Palle Christiansen taama oqaaseqarnikuunngilaq, taamali oqaaseqartoq tassaavoq nunanut allanut naalakkersuisoq Siumumeersoq Aleqa Hammond.
Kukkuneq utoqqatsissutigaarput.
