Naqinnernik ilisarinnissinnaanngitsut Narsami atuarfittaarput

Nunatsinni naqinnernik ilisarinnissinnaanngitsut Narsami atuarfittaarput ukiarumiillu 2006–imiit Narsami Inersimasut Ilinniarfiani Piareersarfimmi atuarneq aallartissaaq.

Narsami kommunalbestyrelsip kissaataa anguneqarpoq. Aningaasaqarnermi Ataatsimiititaliap Narsameersup ullumikkorpiaq Nuummiittup, atuarfiup aallartinnissaanut atugassanik 1,5 mio. koruuninik tapiiffigineqarnissaq ulloqeqqata siorna angummagu.

Kultureqarnermi Ilinniartitaanermilu Naalakkersuisoq Doris Jakobsen ima oqarpoq:

Kommunit allat aamma Narsap Kommunianut taamatut pisariaqartitsisunik aallartitsisinnaapput, kommunit namminneerlutik akilikkaminnik.

- Qanoq aningaasartuutit iliorniarpisigit, tassami ilinniartitsisumik ataatsimik Narsap Piareersarfiani pisariaqartitsisoqarpoq, matussusiiniarpisi?

- Namminersornerullutik Oqartussat immikkoortitsinikuupput Piareersarfimmut aningaasanik atugassanik. Taamatullu ingerlatsineq pissaaq KIIIP-i aammalu Inuussutissarsiornermi Pisortaqarfik aammalu Narsap kommunia suleqatigiillutik, Doris Jakobsen oqarpoq. Taamatuttaaq oqarpoq naqinnernik ilisarinnissinnaanngitsut immikkut atuarfissaat 2008–mi Narsami aamma aallartikkumaartoq.