Naqinnernik ilisarinnissinnaanngitsunut atuartitsinissamut soqutiginnipput

Naqinninnernik ilisarinnissinnaanngitsunik ilinniartitsisinnaanissaq Sulisartut Højskoliani Qaqortummiittumi siulersuisuinit angorusunneqarpoq, kisianni 1,5 million koruunit pisariaqartinneqarput.
Allattoq Janus Maqé
apriilip 28-at 2010 13:55

1,5 millionit taakkua soorunami pisariaqartissavavut, kisianni aamma soorunami suliassat annertusinerat ilutigalugu aningaasaliissutissat

soorunami ilaqqinneqartariaqarput. Immaappoq højskolinut amigartoorutaanngitsumik ingerlatsisoqarnissaa minnerpaamik taanna piumasaqaataasussaassaaq, Sulisartut Højskoliani forstanderi Kaj Lyberth oqarpoq.

Minnerunngitsumik maannakkut højskolinik iluarsaaqqinnermut atatillugu siulersuisut erseqqarilluinnaqqinnaartumik taanna oqariartuutigivaat, naqinninnernik ilisarinnissinnaanngitsunik ilinniartitsisinnaanissap eqqunneqarnissaa.

Sulisartut Højskoliani maannakkut marlunnik ilinniartitsisoqarpoq. Naqinninnernik ilisarinnissinnaanngitsut ilinniartinneqartalissappata ilinniartitsisut amerlanerusariaqarput.

Aningaasartuutit aammalu nukissat annertunerusut pisariaqartinneqarmata ilinniartitsisut amerlanerusut pisariaqartippavut, Kaj Lyberth oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq