Napparsimavissuarmi ajornartorsiutit qalleraatiinnavipput

Nakorsiat pisariaqartitsissuinnaat kisimik maanna Dronning Ingridip Napparsimmavianukarsinnaatitaapput. Sulisut iliuuseqaqqusipput, ullaap tungaagullu qulinut Sanami ulluinnarni aqutsitst ataatsimiinnertik aallartippaat.

- Pissutsit ajorluinnarmata assakka sarliaannarusussimanngilakka. Sulinerpummi illersorneqarsinnaajunnaarpoq. Atukkagut pitsaanerulersinniarlugit iliuuseqartariaqalerpugut, peqqissaasut pisortaat Maybritt Andersen oqarpoq.

- Peqqissaasunik tuaviornerpaamik sulilersitsisoqartariaqarpoq. Allatut ajornaqaaq akisugaluarpataluunniit taartaasartunik tikisitsisariaqarpugut, qanorluunniit Napparsimmavimmi pisortat inerteritigigaluarpata, Maybritt Andersen erseqqissaavoq.

Pissutsit ima ajortigilerput, allaat napparsimmavissuaq qaammatit pingasut-sisamat ingerlanerinnaanni peqqissaasussaaleqilluni matusariaqalersinnaasoq sulisut ernumasaarutigilerpaat.

Kinguartinneqarsinnaanngitsut kisimik pilatsissinnaapput, assersuutigalugu siffialersittussat seeqquleritittussalluunniit ukioq ataaseq tikillugu utaqqisariaqartarput.