Napparsimasut Norgeliaanneqartassanngillat

Norgemi suliaritinnissaq, piareersimanissamut pioreersumut, tassalu napparsimasut Islandiliartinneqartarnissaannut tunngatillugu, taamaallaat tassaavoq pilersaarut B. Taama nalunaarpoq Peqqissutsimut Naalakkersuisoqarfimmi pisortaq Ann Birkekær Kjeldsen.

Naalakkersuisoqarfiup Svalbardimi suleqatigiit, tassaasut Nunani avannarlerni piareersimanissamut inuit kattuffiat, attaveqarfigaa, Islandimut timmisartornissaq ajornavippat Norgemi suliarititttarnissat periarfissaasinnaanerat tusarniarlugu.

- Napparsimasut Norgemi suliaritittarnissaat, napparsimalernissamut Canadami sillimmasertittussaanermut naleqqiullugu pisariinneruvoq, tassami napparsimasut kalaallit Norgemiittut nunani avannarlerni naalagaaffinnut innuttaasutut isigineqarmata, Ann Birkekær Kjeldsen nassuiaavoq.

Napparsimasut Norgemut aallartinneqartarnissaat pisariaqalissagaluarpat, tamatumani sooruna apeqqutaavoq Norgep silaannartaani angalanissaq ajornannginnersoq.

- Neriuppugulli taamaaliulissanata, Ann Birkekær Kjeldsen oqarpoq.

Manna tikillugu napparsimasut marluk Islandimut ingerlanneqarsimapput.

- Timmisartoqqusinnginneq sivisunaassappat napparsimasut peruluppallaanngitsut peruluttullu, soorlu kræftertut uummatimikkullu ajoqutillit Islandiliaanneqartarnissaat eqqarsaatigisinnaavarput, taamaalillutik suliaritinnissaminnut utaqqisassanngimmata, Ann Birkekær Kjeldsen naggasiivoq.