Napparsimasut akunnittarfiat ammaanersiorpaat

Dronning Ingrid-ip napparsimavissuani uninngasut akunnittarfiat nutaaq, aaviisarfikumi ullumi pisortatigoortumik ammaanersiorneqarmat, suliaritinniarluni innanngaviit amerlanerulerput. Dronning Ingrid-ip napparsimaviani napparsimasut akunnittarfianik ammaanersiornermi peqataasoq, peqqissaasuuneq Ella Skifte, ima oqarpoq:

- Aaviisarfiusimasoq maannakkut suliarineqarsimalluni naammassivoq, napparsimasunullu unnuisarfittut maannakkut atoqqaarfissiortinneqarluni. Taamaatut aaqqiinerup kingunerissavaa, pilatsillutik suliaritittussat pilatsinnissamullu utaqqisunut periarfissaginnerulissaaq.

Siornatigut napparsimaviup ilaa patienthoteliusimavoq, taannalu maannakkut pilatsittussanut aammalu napparsimasunut ilaqutaasunullu oqaloqatiginnittarfissatut atorneqarsinnaalerput, Elle Skifte oqarpoq nangillunilu:

- Napparsimasut nammineersinnanerusut uninngasut akunnittarfianiittassapput. Siniffiit ikililaarsimagaluarput, kisianni pilatsittussanut innganngaviit amerlanerulerput, Ella Skifte oqarpoq.

Nuummi napparsimasut akunnittarfiani napparsimavimmiittumi innarfissat 24-iupput, Nuummilu akunnittarfimmi Hotel Nuuk-mi unnuiffissat 32-iullutik.