Nappaat nunani aqqanilinni inuit qulit toqqutigaat
Puulukip nappaataa maanna nualluut A-mik taaneqartalersoq siaruariartorsinnarpoq.
Naalagaaffiit Peqatigiit Peqqinnissamut nakkutillisoqarfianit WHOmit nalunaarutigineqarpoq naalagaaffinni aqqanilinni inuit qulit nappaat toqqutigisimagaat, 321-illu napparsimalissutigisimagaat.
Annilaanngatigineqarporli suli amerlanerit tunillatsissimanissaat.
Danmarkimi nappaatinik tuniluuttunik nakkutillisoq nakorsaaneq Steffen Glismann ima oqarpoq:
- Inuiaqatigiit nappaammit eqqorneqaraangamik ingerlaatsimut malunniuttarpoq. Nunarsuaq tamakkerlugu aningaasarliornermut nappaat ilapittuutaaginnarpoq.
Maannamut nappaat taamaallat Mexicomi Texasimilu inuunernik akeqarpoq.
Steffen Glismann isumaqarpoq nappaatip nassuiaatissartaa Mexicomiittoq.
- Illorpassuaqarfimmi Mexico Citymi 20 millioninik inulimmi toqusut, tunillatsissimasullu amerlanerpaapput. Eqqoriarneqarsinnaalerpoq inuit 100.000-ilikkaat tunillatsissimanissaat.