NAPA torrutiinnarlugu isiginnaartitsinermik ilinniartitsiniarpoq
Oqaluttuatoqaq 'Innersuit' NAPA-p suliani taama taaguuteqartippaa. Tassani pinnguarneq, angakkuarneq kalaallillu kulturiannit kingornussat ilaatinneqarput. Tamanna kalaallit meerartaasa meeqqallu pinnguarnermik nuannarisallit aallutarisinnaavaat.
Isiginnaartitsineq malitassaqanngilaq isiginnaartitsisullu aalajangersimasunik oqaasissaqartarnatik. Qaqqami pinnguaqatigiinneruvoq oqaluttuamik kalaallit oqaluttuaataaneersumik oqaluttuarnerulluni.
NAPA sapaatip akunnerani uani isiginnaagassiornermik ilinniarfimmeersunit tikeraarneqarpoq - taakkua meeqqanut inersimasunullu isiginnaartitsinermik atuartitsisarput isiginnaartitsinermillu suliaqartuullutik.
Isiginnaartitsisartut sungiussilluarsimasut marluk Nuup atuarfiinut Ilinniarfissuarmullu pulaartassapput Innersuillu pillugit oqaluttuartassallutik.
Meeqqat arfineq-pingasunik ukioqalereersimasut arfininngorpat oktobarip qulingiluaanni nalunaaqutaq ullup qeqqanut Katuap eqqaani isiginnaartitsinermik misileraasinnaapput.
Isiginnaartitsineq Sanap eqqaani illoqannginnersami pissaaq, meeqqallu ualikkut nalunaaqutaq tallimat qeqqata missaani Katuap eqqaanut utissallutik.
