Napa kulturikkut aaqqissuussinermi ammaasuuvoq
Isiginnaagassiaq nipilersornertalik Pipaluk Kreutzmann-Jørgensenip Aviaja Lumholt Karina Møllerilu ikiortigalugit suliarineqarpoq, inuusuttullu issittumi qalipaatinik paasisassarsiorlutik angalanerannut tunngasuulluni.
Isiginnaartitsisut tassaapput kalaallit inuusuttut Maliina La Cour Vahl, Linda Kristiansen, Maaliannguaq Hermansen, Ululinannguaq Reimer Olsen, Mia Biilmann Larsen aamma Sandra Jerimiassen. Isiginnaartitsinertillu naammagisimaarluarpaat.
- Misigisaq puigunaatsuussaaq, siullerpaamik taama sakkortutigisumik misigisaqarpunga, Ululinannguaq Reimer Olsen taama oqarpoq.
Iltsersuisartorlu aamma naammagisimaarinnippoq:
- Nuannaaqaanga, allaat qullilillunga, anaanatummi ilitsersuisutullu misigissutsit qaffakaammata. Pikkorissupilussuupput piffissarlu sivikitsoq atorlu sukkasuupilussuarmik ineriartorsimallutik. Taamatut inerneqarnera peqataaffigisinnaallugu nuanneqaaq, Pipaluk Kreutzmann–Jørgensen taama oqarpoq.
Nunat peqataatitaqartut Arctic Winter Gamesip kulturikkut aaqqissuussineranut ilanngussaqarput. Napa Nunatsinnit takutinneqartumik tallimassaanik aaqqissuisuuvoq.