Nanu børn ammalerpoq

Nuummi neriniartarfimmik Esmeraldamik piginnittoq, Kristine Berthelsen Winberg, neriniartarfimminut meeqqat kissassimaariartorlutillu neriniaaluinnartarmata, novembarip ulluisa 19-ianni ammartussamik inuit ornittagaannik ammaassaaq.
oktobarip 29-at 2008 07:56

Sooq taama ammaarusulersimanini ima nassuiarpaa:

- Nanu børn Hans Egedevej 29-mi ingerlanneqartassaaq novembarillu 19-iani ammassavarput. Taakani nerisassaliortassaagut tegnefilmertitsisassallutalu. Taamatut meeqqanut ilaanneeriarlutik angerlarsinnaanngitsunut neqerooruteqartarniarpugut, Kristine Berthelsen Winberg oqarpoq.

Taanna nassuiaavoq Nanu børn illoqarfinnut tamanut allanut aamma siunissami siammarnialersaaritsik.

Aperaarput kia tamanna pilersinniarneraa?

- Uanga, Esmeralda pigivara saniatigut Nanu børn aallartippara bestyrelseqarpugut suliniaqatigiiffiuvugut ataatsimeersuartarlutalu aningaasanillu katersuiniartarluta, oqarpoq.

Taanna nassuiaavoq neriniartarfiummini meeqqat isertuarnerisa kingunerisaannik taama pilersaarusiorusulersimalluni.

- Ukiut marluk matuma siorna Esmeralda ammaratsiguli meeqqat ullut tamaasa isertuaannarput allaat jannuaarimi 20-nik issittoq gummiliinnarlutik kavaajaqarpiaratik isertarput neriniaalukkiartorlutik, taamaattumik meeqqat pillugit arlaannik ikiuuteqataajumallunga taama ittumik pilersitsinialerpunga, Kristine Berthelsen Winberg, oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq