- Aalisagaaterpassuaqarpugut, sumulli tunisinnaavagut? Nanortalimmi borgmesterip tullia Debora Kleist, KNAPP-mi siulittaasup tullia Lars Kleist, kommunemilu ataatsimoortumik ataatsimiititaliami siulittaasoq Ingemann Dorph taama KNAPK-mut apeqquteqarlutik aaqqiissuteqaqqusillutillu allapput.
Arctic Green Food Nanortalimmi tunisassiulernissamut maanna piareersarpoq, utaqqiinnarnerli naammagineeruppoq.
- Qaqortumut tulaassisinnaaneq ajornarluinnarpoq, ullormut tunisaasut angummassinnaannginnerat pissutigalugu tusarparpullu Sisimiut Maniitsullu eqqaanni umiarsuarnik tunitsiviliisoqartoq, maanilu kujataani ajornartoorfitsinni umiarsuup aappaata kujammukartinneqarsinnaanissaanut KNAPK-p suleqataanissaa kissaatigaarput, Nanortalimmiut KNAPK-mut taama allapput.